ફરવા જવાનું કોને ન ગમે? બધાંને જ ગમે. આજકાલ જંગલો કાપીને મોટાં મોટાં બિલ્ડિંગ બાંધી માનવી કુદરતી સૌંદર્ય માણી શકતી નથી. એટલે જ વેકેશન પડતાં જ કે શનિ-રવિની રજાઓમાં એ ફેમિલી સાથે ક્યાંક ને ક્યાંક ફરવા ઉપડી જાય છે અને મોટા ભાગે પસંદગી હિલ સ્ટેશન પર ઉતારે છે.
ગુજરાતમાં ફરવા જેવી અસંખ્ય જગ્યાઓ
જો તમે ગુજરાતમાં રહેતાં હો અને તેમાં પણ દક્ષિણ ગુજરાતમાં રહેતાં હો તો તમારે ક્યાંય દૂર સુધી જવાની જરૂર નથી. ગુજરાતમાં અનેક પ્રાકૃતિક સૌંદર્ય ધરાવતાં સ્થળો આવેલાં છે.
જ્યારે ટુરીઝમની વાત આવે, ત્યારે આપણું ગુજરાત પણ આગળ પડતી ઓળખાણ ધરાવે છે. કચ્છનું રણ હોય કે પછી સોમનાથનું મંદિર, દ્વારકા હોય કે સાસણ ગીર — ગુજરાતમાં ઘણી એવી અદ્ભુત હરવા ફરવાની જગ્યાઓ આવેલી છે, જ્યાં આપણે આરામથી પરિવાર કે પછી મિત્રો સાથે રજાઓ માણી શકીએ છીએ.
ડોન: સાપુતારા અને આબુને ટક્કર આપતું હિલ સ્ટેશન
જો આમાં હિલ સ્ટેશનની વાત કરીએ, તો સૌથી પહેલા બે નામ આપણા મનમાં આવે — એક તો સાપુતારા અને બીજું આબુ. પરંતુ ખૂબ જ ઓછા લોકો જાણે છે કે આ બંને હિલ સ્ટેશનોને ટક્કર આપે તેવું એક હિલ સ્ટેશન આપણા ગુજરાતમાં જ આવેલું છે. આ હિલ સ્ટેશનનું નામ છે ડોન, જે ગુજરાતના આહવા અને મહારાષ્ટ્રનાં નાસિક જીલ્લાની બોર્ડર પર આવેલું છે.
🏞️ ડોન હિલ સ્ટેશન – ક્વિક માહિતી
| વિષય | વિગત |
|---|---|
| 📍 સ્થાન | ડાંગ જિલ્લા, આહવા નજીક, દક્ષિણ ગુજરાત |
| 🗺️ નજીકનું શહેર | આહવા (30-38 કિમી), સુરતથી ~150 કિમી |
| 🏔️ ઉંચાઈ | 1070 મીટર (સાપુતારાથી પણ વધુ) |
| 🌿 વિસ્તાર | સહ્યાદ્રી પર્વતમાળા, દક્ષિણ ગુજરાત અને મહારાષ્ટ્ર બોર્ડર પર |
| 🚗 પહોંચવાનો માર્ગ | સારો અને ડ્રાઇવલ યોગ્ય રોડ, હરિયાળું વાતાવરણ |
| 🏕️ મુખ્ય આકર્ષણ | પર્વત, ઝરણા, ટ્રેકિંગ, સ્વયંભુ શિવલિંગ, હનુમાનજી મંદિર, આદિવાસી જીવનશૈલી |
| 📆 શ્રેષ્ઠ સમય | ચોમાસું (જુલાઈથી સપ્ટેમ્બર) અને હિમશીતકાળ |
| 🎒 પ્રવૃત્તિઓ | ટ્રેકિંગ, ફોટોગ્રાફી, નેચર ટ્રેઇલ, રિલેક્સેશન |
| 🧭 નજીકના સ્થળો | સાપુતારા (~50 કિમી), મહારાષ્ટ્રનાં પોઇન્ટ્સ |
| 🛕 ઐતિહાસિક મહત્વ | દ્રોણાચાર્ય આશ્રમ, રામ-સીતાના પગલાં, પાંડવ ગુફા, અંજની પર્વત |
| 🧑🤝🧑 સંસ્કૃતિ | આદિવાસી સંસ્કૃતિ અને લોકજીવનનો અનુભવ |
ડોન હિલ: કુદરતનો છુપાયેલો ખજાનો
ગુજરાતમાં કુદરતી સોંદર્યનો છુપાયેલો ખજાનો એટલે હિલ સ્ટેશન ‘ડોન’. ડાંગમાં આવેલું ડોન હિલ સ્ટેશન કુદરતના ખોળે વસેલું સુંદર સ્થળ છે, જે આહવાથી માત્ર 30 કિલોમીટર દૂર છે.
ડાંગમાં આવેલું આ હિલ સ્ટેશન સહ્યાદ્રી પર્વતમાળામાં આવેલું છે. ડોન હિલ સ્ટેશનની ઉંચાઈ 1070 મીટર છે, જે સાપુતારા કરતા પણ 100 મીટર વધુ છે. આ હિલ સ્ટેશનથી મહારાષ્ટ્ર બોર્ડર 3 કિલોમીટર જ દૂર છે. એટલે તમે ડોનથી થઈને મહારાષ્ટ્ર તરફ પણ ફરવા જઈ શકો છો.
અત્યાર સુધી અજાણ્યું આ હિલ સ્ટેશન છેલ્લા કેટલાક વર્ષોથી પ્રવાસીઓમાં લોકપ્રિય બન્યું છે. આ એક ઐતિહાસિક સ્થળ તરીકે પણ ઓળખાય છે. આદિવાસી સંસ્કૃતિથી પણ આ જગ્યા છે પ્રભાવિત. ગુજરાતનાં આહવામાં આવેલ છે ડોન હિલ સ્ટેશન.
ડોનનું વિસ્તૃત પ્રવાસન વિસ્તાર
આહવાથી ડોન ગામ 38 કિલોમીટર દૂર છે, જે સાપુતારાથી 17 મીટર ઊંચું અને 10 ગણો વધારે વિસ્તાર ધરાવતું છે. સહ્યાદ્રી પર્વતમાળા ખુશનુમા ઊંચાઈ, હરિયાળા ઢોળાવો, નદી, ઝરણા બધું જ ધરાવે છે. એટલે જ પ્રકૃતિની મોજ માણવા માટે ડોન હિલ સ્ટેશન એક શ્રેષ્ઠ વિકલ્પ છે.
રોમાંચકારી રસ્તાઓ
હિલ સ્ટેશન પર ફરવા જવાની મજા તેના રોમાંચકારી રસ્તાઓ હોય છે. થ્રિલ આપે તેવા રસ્તાઓ પરથી ટોચ પર પહોંચવાની મજા અલગ જ હોય છે. ડોન હિલ સ્ટેશન પર પહોંચવાના રસ્તાઓ પણ સર્પાકાર અને શ્વાસ થંભાવી દે તેવા છે.
તેમાં પણ તો તમે ચોમાસાની શરૂઆતમાં પહોંચો તો ઉપરથી ખાબકતા ઝરણા વાતાવરણને રોમાંચની સાથે રોમાન્સથી ભરી દે છે.
ડોન હિલ સ્ટેશનનો રસ્તો રમણીય છે, અને તમને બંને બાજુએ તમારી આસપાસ હરિયાળી જોવા મળશે. રસ્તો સ્વચ્છ અને સારી રીતે બાંધવામાં આવ્યો છે, તેથી ડોન હિલ સ્ટેશનની મુસાફરી એ લોકો માટે ઉત્તમ ડ્રાઇવ છે જેઓ તેનો અનુભવ કરવા માગે છે.
સુરતથી ડોન હિલ લગભગ 150 કિમી દૂર છે. ડોન અને સાપુતારા વચ્ચેનું અંતર લગભગ 50 કિમી છે.
ડોન હિલની મુલાકાત માટે બેસ્ટ ટાઈમ
ડોન હિલ સ્ટેશનની મુલાકાત માટેનો બેસ્ટ સમય ચોમાસું છે. પર્વતીય વિસ્તારને કારણે એઠર ઠેર વહેતા ઝરણાઓ આ હિલ સ્ટેશનની સુંદરતા વધારે છે. અને લીલુંછમ બનેલું જંગલ આહલાદક આનંદ આપે છે.
એક સ્થળ એવું પણ છે જ્યાં સ્વયંભુ શિવલીંગ પર ઝરણાંનો અભિષેક થાય છે.
કરી શકો છો ટ્રેકિંગ
જો તમે ટ્રેકિંગના શોખીન છો તો પણ ડોન હિલ સ્ટેશન ઉત્તમ સ્થળ છે. ઉંચા નીચા ઢોળાવ હોવાને કારણે અહીં ટ્રેકિંગ માટે પણ લોકો ઉમટે છે.
પરંપરાગત આદિવાસી સંસ્કૃતિનો અનુભવ
ડાંગ એ મુખ્યત્વે આદિવાસીઓનો વિસ્તાર છે. અહીં આદિવાસી સમુદાયની વસ્તી વધુ છે. એટલે તમે તેમની રહેણીકરણી, તેમનાં ઘર, તેમનું ભોજન જોઈને કંઈક નવું જાણી શકો છો.
ડોન નામ પાછળની રસપ્રદ કથા
ડાંગના આ હિલ સ્ટેશનનું નામ કેવી રીતે પડ્યું, તેની કથા પણ રસપ્રદ છે. લોકોનું કહેવું છે કે અહીંના અહલ્યા પર્વત નજીક ગુરુ દ્રોણાચાર્યનો આશ્રમ હતો. રામાયણ કાળમાં રામ, સીતા અને લક્ષ્મણ વનવા દરમિયાન અહીં આવ્યા હતા.
ગુરુ દ્રોણાચાર્યના નામ પરથી જ આ પ્રદેશ દ્રોણના નામે ઓળખાવા લાગ્યો. ત્યાર બાદ અંગ્રેજોના આગમન સાથે આ પ્રદેશનું નામ પણ બદલાય ગયું. દ્રોણનું અપભ્રંશ થઇ ડોન થઇ ગયું.
હનુમાનજી સાથે પણ છે સંબંધ
અહીં અંજની પર્વત અને કુંડ પણ આવેલો છે, જેને હનુમાનજીનું જન્મસ્થળ પણ કહેવામાં આવે છે. અહીં માતા અંજનીએ શિવજીની આરાધના કરી હતી, જેને કારણે અહીં એક શિવલિંગ પણ છે.
માત્ર એટલું જ નહીં — અહીં ભગવાન રામ અને માતા સીતાનાં પગલાં અને ડુંગરનાં નીચલા ભાગ પર પાંડવ ગુફા પણ જોવા મળે છે.
અહીં અદ્ભુત પ્રકૃતિનું સૌંદર્ય જોવા મળે છે. ઝરણાં પર્વત પરથી વહીને નીચે ‘સ્વયંભૂ શિવલિંગ’ રૂપે પૂજાતા શિવલિંગ પર અભિષેક કરે છે. આ શિવમંદિરની પાસે હનુમાનજીનું મંદિર પણ આવેલું છે.
🚗 કેવી રીતે પહોંચવું? – ડોન હિલ સ્ટેશન સુધીનો માર્ગ
ડોન હિલ સ્ટેશન પહોંચવું અત્યંત સહેલું છે, ખાસ કરીને જો તમે દક્ષિણ ગુજરાતમાંથી મુસાફરી કરી રહ્યા હો. નીચે મુખ્ય શહેરો પરથી પહોંચવાનો માર્ગ જણાવવામાં આવ્યો છે:
🛣️ મુખ્ય માર્ગ (રોડ દ્વારા)
1️⃣ સુરત → વ્યારા → આહવા → ડોન (અંદાજે 150 કિમી, 4-5 કલાક)
2️⃣ નવસારી → ચીખલી → વઘઇ → આહવા → ડોન – નાનો અને પર્વતીય માર્ગ
3️⃣ નાસિક (મહારાષ્ટ્ર) તરફથી પણ ડોન હિલ ~3 કિમીની નજીક)
ગુજરાત ST બસ સેવા સુરત/વ્યારા/નવસારીથી આહવા સુધી ઉપલબ્ધ છે.
આહવાથી ડોન હિલનું અંતર ~30-38 કિમીનું છે. ગુજરાત ST બસ સેવા સુરત/વ્યારા/નવસારીથી આહવા સુધી ઉપલબ્ધ છે. આહવા થી ડોન માટે લિમિટેડ જીઆરટીસી બસો અથવા શેર ટેક્સી ઉપલબ્ધ હોય છે.
🚉 ટ્રેન દ્વારા
- નજીકનું રેલવે સ્ટેશન: વ્યારા (Vyara) અથવા સુરત (Surat)
- પછી ટેક્સી અથવા ST બસ દ્વારા આહવા થઈને ડોન
🗺️ Google Maps લિંક (સૂચન)
તમારા લોકેશન પરથી ડ્રાઇવિંગ દિશા મેળવવા માટે Google Maps પર “Don Hill Station, Dang, Gujarat” શોધો.
🏡 એકોમોડેશન – ડોન હિલ સ્ટેશન ખાતે રહેવાની સુવિધા
ડોન હિલ સ્ટેશન હજુ વિકાસ પામતું પર્યટન સ્થળ હોવાથી અહીં મર્યાદિત રહેવાની સુવિધાઓ ઉપલબ્ધ છે. તમે નીચેના વિકલ્પો પસંદ કરી શકો છો:
- આહવા શહેર (30-38 કિમી દૂર) ખાતે રહેવા માટે સરકારી ગેસ્ટહાઉસ,LODGE અને ખાનગી હોટલ્સ ઉપલબ્ધ છે.
- સાપુતારા (50 કિમી દૂર) – વધારે વિકલ્પો સાથે રહેઠાણ, રિસોર્ટ અને ફેમિલી માટે અનુકૂળ વ્યવસ્થા.
- ડોન નજીક કેટલાક સ્થાનિક લોકો હોમસ્ટે સેવા આપે છે, જે પરંપરાગત આદિવાસી જીવનશૈલીનો અનુભવ કરાવે છે.
ટિપ:
ચોમાસાની સિઝનમાં પ્રવાસી સંખ્યા વધારે હોય છે, તેથી અગાઉથી બુકિંગ કરવાનું ભલામણ છે.
✨ અંતમાં…
પ્રકૃતિનો ખજાનો, શાંતિથી ભરેલું વાતાવરણ અને ઐતિહાસિક તેમજ આધ્યાત્મિક સાંસ્કૃતિક વારસાથી ભરપૂર — ડોન હિલ સ્ટેશન એ સાપુતારા કે માઉન્ટ આબુથી ઓછું નથી. અહીંના ઝરણાં, પર્વતો, આદિવાસી સંસ્કૃતિ અને પૌરાણિક સ્થાનોએ આપણને તાજગી અને જ્ઞાન બંને આપે છે.
જો તમે ચોમાસાની મોજ માણવા ઈચ્છો છો, કુદરતના ખોળે થોડો સમય વિતાવવો માંગો છો કે પરિવાર સાથે યાદગાર પળો કઢાવવી હોય — તો ડોન હિલ સ્ટેશન તમારા માટે શ્રેષ્ઠ સ્થળ છે.
ચાલો, આવી એક વેળા ડોનની શાંતિમાં આવીને પોતાને ફરીથી શોધીએ…
અને આવી અનમોલ સફર માટે, આજે જ જોડાઈ જાઓ Safar Gujarat સાથે — જ્યાં દરેક પ્રવાસ છે આપણા ગુજરાતનું ગૌરવ!
